The Future Is White

"May una kang kailangang malaman, Emi," bungad ni Sieg --- kahit hindi siya sigurado kung dapat bang sabihin. Pero ang pader, kailangang buwagin. Nangako siya sa sariling hindi na lang niya ito mag-isang haharapin.

"Dati ang tingin ko sa future, dilaw. Nagsimula 'yon nang makita kita ulit sa school. Sinisikatan ka ng araw. Parang spotlight. Parang tinuturo ka sakin ng langit. Yun yung first time kitang makita ulit... after seven years. Pero dahil nga sa nakaraan na pilit kong gustong talikuran, tinawag ko pa rin iyong 'The future is yellow, but floppy.' Pero iyong dilaw, naging puti. Matapos ng pag-uusap natin sa ferris wheel. Puti, as in blanko. At hanggang ngayong hinarap na kita, hinarap ko ang bukas na maaaring meron tayo, puti pa rin ang nakikita ko. Akala ko mababago. Pero blanko pa rin."