In the End, Love Was the Verdict.

Sa bawat kasalang walang pagmamahalan, may pusong tahimik na humihiyaw.
At sa bawat panatang binitiwan para sa tungkulin, may lihim na nagsusumigaw ng katotohanan.

Ang kuwentong ito ay isinilang mula sa tanong:
Hanggang saan mo kayang isakripisyo ang puso mo para sa pamilya?
At kung sakaling may natagong lihim ang nakaraan-isang lihim na maaaring bumago sa lahat-handa ka bang patawarin?
O hahayaan mong ang galit ang humubog sa tadhana ninyong dalawa?

Ito ang kwento nina Amara at Elian.
Isang babaeng piniling isuko ang pagmamahal alang-alang sa anak at dangal.
Isang lalaking piniling maghiganti kaysa magmahal, hanggang sa matuklasan niyang ang kanyang pinaniniwalaan ay isang kasinungalingan.

Sa loob ng lumang hacienda, may mga halakhak na matagal nang nawala, mga pintuang ayaw nang bumukas, at mga panatang sinumpaan ngunit hindi kailanman inibig.
Ngunit sa ilalim ng bawat panata, may isang bagay na hindi kailanman nawala...
Pag-ibig.

Maligayang paglalakbay sa pahinang ito.
Sana'y maramdaman mo ang bawat pintig ng puso, bawat luha, bawat lihim.
At sana, tulad nina Amara at Elian, matagpuan mo rin ang pag-ibig... kahit sa likod ng sakit, sa gitna ng galit, at sa ilalim ng mga panatang walang damdamin.

- MinnieInBloom