قـَالْـوَا مـَلاٰكَ قُــلْــتَ حَــرَم َسُـمٰـوَ اَلٰــحَـاكـَـمِ

كانوا متجمّعين بالحوش... صوت ضحك البنات، سوالف الشباب، الجو حلو وهادي ...
وملاك؟
جالسة تضحك مع فهد، وهو كعادته يرمي كلمة مزاح...

"يا زينك وانتي تضحكين، قسم بالله لو إنك مو بنت أخوي... كان خطبتك من ورا العايلة!"

ضحكت ملاك بخجل، وضربته على كتفه:
"هدي اللعب، ترى حاكم يسمع!"

فهد ضحك:
"خليه يسمع... حاكم يعرف إنك زوجتي !"

ويا ليت فهد ما قالها...

صوت خطوات حاكم جاي من بعيد...
كأن الوقت توقف...

حاكم ظهر.
بعينيه العسلية اللي ما ترمش، ملامح وجهه ما فيها أي تعبير.

بس... الغضب كان يصرخ في صمته.

وقف قدامهم، نظر لفهد، و لملاك، وصوته طلع ببرود:

"انتهى المزح."

ملاك قامت بسرعة، توترها واضح:
"حاكم... فهد بس يمزح..."

"ما طلبت منك تشرحين."
قالها وهو يناظرها بنظرة تخلي الدم يتجمّد.

رجع عيونه على فهد، وبصوت منخفض بس مرعب:

"عمّي... لك احترامك، بس لا تمتحن صبري."

فهد ابتلع ريقه، وقال:
"يا ولد، لا تكبر الموضوع، ترى-"

"أنا ما أتكلم مرتين."
رد حاكم، بصوت أقسى من البرود.

ملاك قربت منه، تهمس له:
"أنت تبالغ... أنا ما سويت شي..."

التفت لها، وكل عضلة في وجهه مشدودة:

"تضحكين قدام رجال؟ وترضين أحد يغازلك؟"
اقترب منها، وهمس بنبرة نارية:

"وش تبغين تثبتين؟ إنك حرة؟ إنك مغرية؟
ولا تبين تخليني أصرّح قدام الكل إنك لي؟"

عيونها توسعت، وقبل ترد...