40 chapitres Terminé Contenu pour adultes(Completed) Minsan ko na din pinagdasal na sana, makausap ko si Kupido. Marami kasi sana akong gusto itanong sa kanya. Una kong tatanungin ay bakit pana ang ginagamit niya para mag-ibigan ang dalawang tao? Eh diba ang pana masakit at kapag napuruhan ka nakakamatay pa?
Pangalawa, gusto ko tanungin na since si Kupido siya, bakit pinapana niya tayo sa taong paiiyakin lang din tayo sa huli?
Nagkakamali kaya siya? Inaamin kaya niya na nagkamali siya? Nagsisisi din kaya siya kapag nakikita niyang hindi nagwowork out ang mga pinagtrabahuan niyang paglapitin? Alam kaya niya na sobrang sakit kapag iniwan/naiwanan ka na? Yung wala kang karamdaman pero gusto mo na mamatay sa sakit?
At pangatlo, ang sabi, pag-ibig daw ang makakapagligtas sa lahat ng suliranin sa mundo. Mapa-giyera, mag-asawa, magkasintahan, away sa opisina, bahay, kalsada, pasyalan o eskwelahan pa man yan. Kahit nga terorista, pag-ibig daw ang tanging bala na makakagapi sa kanila.
Pero, ngayon na nakatayo ako dito sa labas ng bintana at tinatanaw kung gaano kataas ang babagsakan ko, maililigtas ba ako nang pag-ibig na hindi ko natanggap in the first place?
Cover by: Rhenee Jasmine Dado
