Ang Diary ni Shuvee

Sa likod ng isang lumang notebook at tahimik na presensya sa klase, si Shuvee ay isang dalagitang may makulay na mundo sa kanyang isipan. Isang simpleng estudyante na mas pinipiling magtago sa likod ng mga pahinang siya mismo ang sumulat. Dito niya inilalarawan ang kanyang paligid-mga kaklase, kaibigan, at kahit mga pangyayaring tila walang saysay para sa iba, ay nagkakaroon ng buhay sa kanyang mga kwento.

Ngunit ang mundo niyang kontrolado ay biglang yayanigin sa pagdating ni Anton-isang misteryosong lalaking may matalim na titig at masalimuot na katahimikan. Hindi siya basta-bastang karakter na madaling hulmahin. At sa hindi inaasahang pagkakataon, si Anton ay nagiging bahagi ng kanyang kwento-hindi bilang tauhan lamang, kundi bilang simula ng isang kabanatang hindi niya kayang isulat nang mag-isa.

"Ang Diary ni Shuvee" ay isang kwento ng imahinasyon, pagtakas, at mga damdaming unti-unting nabubuo sa pagitan ng realidad at kathang-isip. At sa isang mundong siya lamang ang may likha... paano matatapos ang isang kwento, kung puso na ang sumusulat nito?