Class Picture

Sabi nila, maganda raw kuhaan ng litrato ang mga nangyayari sa paligid mo para sa paglipas ng panahon mayroon kayong mabalikan at mapagkuwentuhan ng mga masasayang alaala. Totoo naman 'yon. Ngunit may isang bagay kaming hindi napansin... o sadyang hindi pinansin.

Huwag kayong kukuha ng class picture sa unang araw ng pasukan... dahil hindi mo alam kung kayo pa rin ba ang magkakasama sa huli.

Ako si Arabella Kinsley Zamora o mas kilala bilang Arkin. Sa buong pag-aaral ko sa Dominic High, marami akong nabuong memories kasama ang mga kaibigan at mga naging kaklase ko. Totoo ang sabi nilang sa High School daw ang pinakamasayang yugto ng buhay ng isang tao... pero dito ko rin pala mararanasan ang pinakamalagim na pangyayari sa buhay ko nang magsimulang mamatay isa-isa ang mga kaklase ko... at mukhang ako na ang susunod.