Keep each other COMPANY? #KLEINUniversity Series

Isang simpleng fangirl mula sa Pilipinas si Maria Ligaya Carpio Lopez-baliw na baliw sa isang sikat na Canadian celebrity na taon-taong dumadalo sa Tulip Festival. Pangarap niyang makapagtapos, makapagtrabaho sa Canada, at siyempre, kahit isang sulyap lang sa lalaking pinapangarap niya.

Nang matupad ang pangarap niyang makarating sa Canada, hindi niya inakala na isang bangungot pala ang naghihintay. Nabiktima siya ng illegal recruitment at muntik nang ibenta. Pero bago pa siya tuluyang mawala sa sarili, nakatakas siya at nagpalaboy-laboy sa malamig na kalye ng Canada.

Sa gitna ng kanyang pagtakas, isang misteryosong lalaki ang aksidenteng nakasagasa sa kanya-at nagbago ang lahat. Dinala siya nito sa bahay nito upang maalagaan... at hindi niya alam, ang lalaking ito ay pinsan ng iniidolo niyang celebrity.

Pero ang mas nakakagulat? Ang sikat na lalaking baliw na baliw siya ay nandoon din sa bahay... naka-disguise. Sa hindi inaasahang pagkakataon, nagsimula silang magbangayan, magbardagulan, at magtalo-hindi alam ng dalaga na ang kaaway niya ay ang matagal na niyang iniibig.

Hanggang kailan niya kayang hindi makilala ang taong minahal niya mula sa malayo?

At kapag nalaman niya ang totoo... handa ba siyang harapin ang realidad na baka hindi lang sa panaginip sila itinadhana?