Shinkai Academy

Isa lamang si Eros sa halos pitong bilyong taong naninirahan sa mundo. Bahay, school, bahay, school-paulit-ulit na ruta sa bawat umagang gigisingin siya ng nakakabulag na sinag ng araw. Normal na ito sa kanya at masasabi niyang tahimik na ang kanyang buhay. Hanggang sa isang araw, nagising siya sa ingay ng kapalaran.

Isang kometa ang bumagsak malapit sa kanilang paaralan ang bumasag sa monotonyang kinagisnan ni Eros. Nandoon siya. Nasaksihan niya nang malapitan ang pagbagsak nito. At kasama ang mga kaibigang sina Chelsea at Brent, pinuntahan nila ang lugar na iyon, walang kamalay-malay na iyon na ang pinto papasok sa isang mundong ang hinaharap ay nakatago sa likod ng mga anino.

Tatanggapin kaya ni Eros ang kapalarang nakasulat sa mga bituin? O lalabanan niya ito para hanapin ang tunay niyang sarili? Sa dulo ng multong alaala at kwestyunableng katotohanan, sino ba talaga si Eros? Isang sisidlan ng hinaharap o bilanggo ng nakaraan?

Iniangat ni Eros ang tingin sa nakasulat sa taas ng gate.

"Shinkai Academy."