"If Only He Waited"

DISCLAIMER:
This story is a work of fiction. Any resemblance to actual persons, living or dead, or real-life events is purely coincidental. The characters, places, dialogues, and events are products of the author's imagination. The purpose of this story is for entertainment only. Sensitive topics such as heartbreak, emotional struggles, and moving on are portrayed in a realistic manner. Reader discretion is advised.

PROLOGUE:
Hindi ko rin alam kung bakit ako pumayag.

Isang simpleng jersey lang naman 'yon. Hindi naman ako kasali sa team. Wala akong balak maging active sa intramurals. Pero si Myka kasi, close friend ko since junior high, at siya na mismo nagsabi:

"Uy, gusto mo rin ba ng jersey? Kahit supporter lang, puwede ka sumali. Cute ng design!"

Sa totoo lang, wala naman akong pakialam sa design. Pero siguro dahil gusto ko lang ma-feel na parte rin ako kahit papaano, kahit sa jersey lang. Kaya sumagot ako ng "Sige."

Nang gabing 'yon, sinend ni Myka sa'kin 'yung contact ng supplier.

"Kuya Aeron po ang pangalan. I-message mo na lang, mabait 'yan."

I remember typing:
"Hi po. Na-invite po ako ni Myka. Pwede rin po ba ako magpagawa ng jersey kahit hindi ako sa team nila?"

Then the reply came, mabilis.
"Hi! Ah ikaw pala si Lyka? Ikaw ba 'yung pina-add ni Myka last minute?"

Tama nga. Alam na agad ang pangalan ko. Siguro dahil ako 'yung huling nadagdag. 'Yung extra. Sabit lang.

Pero sa totoo lang, doon nagsimula ang lahat.