Rikthim i Prangosur

Ai e urren për pushtetin, që ajo ka mbi jetën e tij. Ajo e do për përbindëshin, që ai është në botën e saj.

Për të marrë kurorën e përgjakur të hakmarrjes dhe të posedojë helmin e fitores, Gideon Tenebri sfidohet, që të paguajë si çmim edhe jetën e saj, dhe ajo vendos të zgjedhë luftën kundër tij, për të arritur paqen e humbur.

Plotësisht e ndaluar, për t'u pasur edhe në mendime, ai duhet ta mbajë emrin e asaj gruaje me çdo kusht në listën e armiqve të vet, pavarësisht se kthimi tek ajo vazhdon t'i jehojë në mendje si melodi e preferuar, që nuk e harron dot dhe tundimi, për të rrënuar çdo pengesë ndaluese, sado plagë të marrë prej tyre, fillon të ngjajë i pashmangshëm.

Ama i kujt armik duhet të bëhet ai tani, për t'ia dalë mbanë: i vetes, që ka qenë gjithmonë zgjedhje e dytë, i familjes, që ka vetëm atë për litar shpëtimi, apo i gruas, që premton se jeta do bëhet shumë më tepër interesante dhe e bukur me atë në krah?