سـيرة الرسـول ﷺ 🌸.

.

عندنا ربنا سبحانه وتعالى أرسل أنبياء كثيره، وكلهم نزلوا بالنور والهداية..
لكن النور ده كان بيكبر شوية بشوية، لحد ما اكتمل في سيدنا محمد ﷺ، وكان هو آخر وأعظم نور نزل على الأرض.

> "يا حبايبي، عايزين تعرفوا ازاي ربنا كان بيحبنا من زمان؟ من أول سيدنا آدم، كل شوية كان يبعت نبي يعلم الناس الصح من الغلط.. زي سيدنا نوح اللي عمل سفينة، وسيدنا إبراهيم اللي رماه الناس في النار، وسيدنا موسى اللي شق البحر، وسيدنا عيسى اللي كان يداوي المرضى.. وكل نبي كان بينوّر حتة من طريقنا... لكن النور اللي كمل الطريق كله، كان نور سيدنا محمد ﷺ، آخر وأحلى نبي، اللي جه مخصوص علشاننا.. علشان قلوبنا، علشان يعلمنا، ويحبنا، ويقربنا من ربنا 💛"

ليه بنحب النبي ﷺ أكتر من باقي الأنبياء؟

بنحب كل الأنبياء طبعًا، وواجب علينا نؤمن بيهم ونوقّرهم.
لكن حبنا للنبي محمد ﷺ فيه حاجة تانية.. فيه قرب ودفا وشوق خاص جدًا، ليه؟ تعالي نشوف ...