Rebellious Son

Isang payapang umaga ang bumungad kung saan marahang dumadampi sa kanyang mukha ang sinag ng araw kasabay ng pag-ihip ng hangin mula sa labas ng kanyang silid na nagdadala ng halimuyak ng mga bulaklak na nasa hardin. Nagising si Julian sa kanyang kama na aligaga para pumasok sa trabaho. Ordinaryong senaryo lamang ang kaniyang inaasahan ng araw na iyon, subalit sa hindi malaman na dahilan ay nagtagpo muli sila ng babaeng kanyang niligawan noong siya ay nasa kolehiyo pa lamang. Kalaunan ay nalaman niyang pinagplanuhan pala ng kanyang ama ang muli nilang pagkikita. Subalit, sa pagtatagpong ito ay hindi umayon ang tadhana sa dalawa nang aminin ni Trisha na kasal na pala siya at ang kanyang asawa ay si Denver na mismong matalik na kaibigan ni Julian. Nang dahil dito ay nakaranas ng depresyon si Julian sa buhay na naging dahilan naman upang kumalas sa kumpanyang pinapasukan at magrebelde sa kanyang ama. Sa kabilang banda ay nakilala niya si Mira. Ang babaeng nagparamdam sa kanya kung paano tratuhin ng tama at nagbigay kahulugan sa kung ano nga ba ang ibig sabihin ng salitang "inaro ta ka."