قلبي بلادك وأنت حضرت سموّه ..

يا أعذب أشياء العمر .. يا عمري الجاي واللي زلّ ، معك ما سلي قلبي عن هواك ولا نسى بالي عناوينكِ ، أعرف الصباح اللي يجيبك قبل شمسه تجيّ وتطل .. حتى قبل الندى لا يذوب وتطرق النسمة بساتينك ، وأعرف الليال اللي بدونك قساها يفززّ دمعتي وتهلها وعذرها معها ليا طاحت عقب عطفك ولينك ، حبيبي وأنا لا قلت لك عينك تراها المشكله والحل فلا بالك يروح بعيد في لحظة .. ولا تقلب موازينك ، ترى الهوى ما هدّ حيلي ولا حبك تأثر من بعاد وقل .. أبد ما كنك إلا من ورى ضلوعي تِمشّى برجلينك ، ما تشوفني كل ما ضعت بضياء وجهك أرد وأرجع أدل؟ ومنهو بظنك من التيّه ودروبه يرجعني سوى عينك ؟ أنا لي خاطر لرضاك ما همه لو يبيع الكل عشانك ومن فوق الأرض أغلى من رضاك وضحكتينك .. وأنا كثر ما قلت ليت الليالي بي تروف وعلّها تنحل أحبك .. قلبي بلادك وأنت ؟ حضرت سموّه .. يا عسى باكر يجي وتعانق ايديني ايدينك

دهّام محمد