Mavi

O, kralın tək övladı idi... amma heç vaxt bir şahzadə kimi yaşamadı. Lal bir qız olaraq böyüdü - çünki uşaqlığında üzərinə çəkilmiş sirli bir lənət onun səsini əlindən almışdı. Yarı insan, yarı peri olan bu qız, atasının soyuq baxışları və zalım əlləri altında, sarayın qızıl divarlarında əsir kimi böyüdü. Anasını isə yalnız dənizin dibində gizlənmiş bir xatirə kimi xatırlayırdı.

Bir gün anasının gizli sehrli dəftərini tapdıqda, səsinin geri qaytarıla biləcəyini öyrəndi. Yeganə şərt isə uzaq diyarlarda, iki təpənin arasında bitən sehrli ağacın meyvəsini tapmaq idi. Qaçmağa qərar verdi. Amma taleyi onu fırtınalı sulara, amansız bir korsanın gəmisinə gətirdi.

O, dənizlərin qorxulu adamı idi - amma içində gizlənən yumşaq ürək, qızın sükutunu dinlədikcə dəyişirdi. İndi onlar ikisi də öz səbəblərinə görə eyni xəzinənin ardındadır: biri azadlığı, digəri intiqamı üçün... Lakin qarşılarında həm dənizlərin qəzəbi, həm də keçmişin qaranlıq sirrləri dayanır.

Bu hekayə - azadlıq uğrunda sükutla başlayan, amma fırtınalarla davam edən bir macəradır.