Love is in the Air (Love Series #2)

LOVE Series #2.

Namumuhay lamang na payapa si Sandra sa piling ng kaniyang ina na hindi niya aakalaing magbabago dahil lamang sa kaniyang iisang desisyon. Ang prinsipe ng kanlurang kaharian ay ang personal niyang naging guro at taga-turo sa kaniya kung paano humawak ng palaso at pana. Gayunpaman, ng malaman niyang umalis ang kaniyang Ina sa kanlurang kaharian at makipagsapalaran sa silangan ay nakaramdam siya ng takot. Takot na baka kung ano ang kayang gawin ng silangang prinsipe sa kaniyang Ina- lalo na't kilala itong walang awa kung pumaslang ng kaniyang mga nasasakupan.

Sa kaisipang yaon ay pumuslit siya saka sumama sa mga aliping paparoon sa silangang kaharian. Habang nando'n, nakilala niya ang isang espiya na nagmula sa Hilagang Kaharian na si Benjamin Ricardo. Hindi niya inaasahan na ang binatang nagmamalasakit sa kaniya ay mauuwi sa napakasaklap na pangyayari at 'yon ay ang paslangin sa gitna ng madla upang hindi na tularan pa. Nung araw 'din na 'yon ay kinuha ng prinsipe ng silangan ang kaniyang nag-iisang kaibigan na si Mae at hindi na niya muling nakita pa.

Dala ng galit at silakbo na nararamdaman niya ay nakabuo siya ng isang ideya. Ang kalabanin ang prinsipe ng silangan. Buo na ang pasya at desisyon niya para rito. Hanggang sa malaman niya ang tunay na katauhan ng nasa likod ng maskara ng isang prinsipe. Magtatagumpay pa kaya siya sa kaniyang plano?