ليلى

ليلى، بنت ١٨ سنة، حياتها هالأيام كلها دراسة وملل. بالليل، وهي متوسدة مخدتها، گاعدة تباوع عالانستا، إجه إشعار مسج:

علي: "هلو... لا تقولي ما تعرفيني."

رفعت حاجبها، ردت:

ليلى: "لا والله ما أعرفك... شنو القصة؟"

علي: "القصة إني شفت صورتچ، وضفتچ، ومن ذاك اليوم عقلي مشغول بيچ."

ضحكت بخفة، گالت:

ليلى: "إنت دايماً تحچي هيچ ويا البنات؟"

علي: "لا... أني أختار، وأنتِ ما چنت أقدر أتجاهلچ."

حست قلبها دگ أسرع، بس حاولت تسوي روحها قوية:

ليلى: "وإذا آني ما مهتمة؟"

علي: "هاي ما أتوقعها... لأن آني أعرف شلون أخليچ تهتمين."

ضحكت:

ليلى: "واثق هواي."

علي: "مو واثق... بس أعرف نفسي."

الحچي ظل يكبر بيناتهم، يوم ورا يوم، سوالف عن المدرسة، هواياتهم، وحتى المواقف المضحكة اللي تصير وياهم. علي چان دايماً يدخل بيها نغزة أو كلمة جريئة تخليها تحمر:

علي: "بالمناسبة... ضحكتچ بالصورة الأخيرة كاتلة... صدگ حسيت الدنيا صارت أهدى."

ليلى: "هاا... تحچي حچي كبار هسه."

علي: "لا، هذا حچي صريح... لأن ما أحب ألف و أدور."

بعد أسبوعين، ليلى صارت تحچي وياه براحة، تحكيله عن مشاكلها ويا صديقاتها، وعن ضغط الدراسة. هو دايماً يسمع، ويعرف شلون يرد بطريقة تخليها تحس إنه مهتم بيها:

علي: "إنتِ وگلبچ أهم من كلشي... إذا أحد ضايقچ، بس كلّي، وأنا أعرف أتصرف."

هالجرأة ويا الاهتمام