Loving you is Unfair

Dumating ang araw na nagpapasaya at nagpapakaba sa isang estudyante. Sa araw na iyon, dumating ang isang lalaking nagpatibok ng puso ni Joy.

Lumipas ang ilang araw, umamin si Marc na may gusto siya kay Joy. Sa kabilang banda, umamin din si Joy na may gusto rin siya kay Marc. Ngunit hindi pa handa si Joy na magkaroon ng kasintahan.

Nilinaw naman ni Marc kay Joy na handa siyang maghintay, kahit abutin pa ng ilang taon, makuha lamang ang matamis na "oo" ni Joy. At sa paglipas ng ilang araw na pagiging MU (mutual understanding) nila, binigyan ni Marc ng promise ring si Joy bilang palatandaan na handa siyang maghintay.

Nagtagal naman ng halos isang buwan ang kanilang pagiging MU.

Ngunit sa paglipas ng mga araw, napansin ni Joy ang mga hindi kaaya-ayang kilos ni Marc. Hindi lang pala siya ang nakakapansin nito, dahil maging ang mga kaibigan niya ay nakakahalata na rin.

Kaya napagdesisyunan ng magkakaibigan na subukan si Marc, para malaman kung may pag-asa bang tumagal ang namamagitan kina Joy at Marc.

Ngunit sa hindi inaasahang rebelasyon, hindi maganda ang kinalabasan ng pagsubok nila kay Marc. Sa madaling salita, bumagsak si Marc sa pagsubok na ibinigay ni Joy at ng kanyang mga kaibigan.

Paano kung ang pagkakakilala ni Joy at ni Marc ay magiging dahilan ng pagkasawi ni Joy?

Paano kung dumating ang araw na masaktan at mawasak si Joy dahil kay Marc, ano kaya ang susunod na gagawin ng kanyang mga kaibigan?

Paano makakabangon si Joy sa bangungot na binigay ni Marc? Paano niya gagamutin ang nagdurugo niyang puso?

Abangan natin ang rebelasyong ito at kung paano bumagsak si Marc sa pagsubok na ibinigay sa kanya.

Tunghayan natin kung paano nasaktan si Joy at kung paano napuno ng galit ang puso ng kanyang mga kaibigan.

Sama-sama nating basahin ang istoryang ito na magpapadurog din sa ating damdamin.