ما بين الحُب والهوَس

وگفت عند شباك غُرفتي أشوف المسافة بين الشباك والأرض بعيدة وخطرة حتى أنزللها ، گلبي يخفق بقوة ينبض بأذني كطبلة صاخبة وكُل نفس أخذة يذكرني بالخطر اللي حولي ..

أخذت جُنطتي اللي ؏ سريري البسها عدلت فُستاني أحاول أنظم أنفاسي ، فتحت الشباك بخفه وحذر وأني أتجسس ؏ المكان لا أحد يشوفني من الحراس اللي منتشرين بكُل زواية بالقصر خليت رجليَّ ؏ الدرج الخشب غمضت عيوني بقوة من أصدر صرير الخشب صوت مُزعج نزلت بكُل حذر حركه خاطئة ينكشف أمري تلمست الدرج بقوة لا أوگع الهواء البارد يتلمس وجهي بخفة كأنه يرافقني بالهروب ..

بدأت أنزل خطوة خطوة أنظر يمين ويسار لا أحد يشوفني ، تنهدت بأرتياح بعد ما رجليَّ لامست الأرض نظرت حولي حول حديقتنا الواسعة الأشجار العالية ترفع أغصانها نحو السماء وظلالها الطويلة تمتد على العشب اللامع بندى القمر كأنها تهمس بأسرار لا يفهمها سوى من يجرؤ ؏ الهرب ، الهواء مشبع بعطر الياسمين ونسيم الليل يمر بخفة ؏ وجهي ، تنهدت بعمق خطيت خطوات أظم نفسي بين الأشجار العالية أخاف الحراس يحسون عليَّ ..

فتحت جهازي أنظر حولي بترقب دزيتله رسالة ما طول ثواني وفتحها كأنه منتظر رسالتي ؏ أحر من الجمر ما جاوبني غلقت الجهاز ضامته ؏ صدري بقوة ، نزلت دموعي بضعف شلون أگدر أطلع وكُل ذولي الحراس موجودين؟ ورطت نفسي ب