Mari Elena: A She Painted Me Duology Prequel

Sa isang liblib na nayon, kung saan ang hangin ay bumubulong ng mga salaysay ng mga ninuno, dumating ang isang paring banyaga sa anyo ngunit may wikang hinubog na ng lupaing ito.

Si Padre Theodore Ambrose, makisig at tila may ningning ng kalangitan sa kaniyang mga mata, ay ipinadala upang tanglawan ng krus ang mga pusong sinasabing naliligaw. Datapwa't sa kaniyang pagdating, higit niyang natagpuan ang katahimikang tila may iniingatang hiwaga.

Dinala niya sa kaniyang dibdib ang isang lihim na pagsuway. Sa halip na tupdin ang kautusang lipulin ang lahat, itinira niya ang isang babae.

Si Mari Elena.

May tinig na tila pumapailanlang sa gabi, at mga mata na waring nakababasa sa kaluluwa ng sinumang tumingin. Ang mga matatanda'y bumubulong na siya'y isinilang sa gitna ng unos at may dugo ng mga nilalang na hindi ganap na tao, datapwa't walang nangahas magpatunay.

Sa mga gabing malamig at matahimik, natagpuan ni Padre Theodore ang kaniyang sarili sa harap ng tukso. Isang pagsubok sa kaniyang pananampalataya, sa kaniyang dangal, at sa kaniyang sariling laman.

Sa pagitan ng krus na kaniyang tangan at ng aninong sumusubaybay sa anyo ni Mari, nagsimulang umikot ang isang kasaysayang di-kaylanman dapat mabunyag sa liwanag ng araw.