Falling inlove with Mr. sungit

Anong mangyayari kapag ang isang pitong taong gulang na bata ay ginamit ang cellphone mo at nag prank na crush mo ang pinakamaloko at pinaka-pasaway mong kaklase?

Para kay Anhelika, tahimik lang ang buhay. school stress tuwing weekdays, at unti-unting pagtitiis sa presensya ni Kenneth isang kaklase niyang palaging pasaway, repeater at may kakayahang sirain ang araw niya sa isang iglap. Ngunit ang hindi niya alam, isang batang pitong taong gulang na kapatid lang pala ang magpapagulo sa lahat.

Sa isang simpleng araw ng paglalaba, nangulit si Issa, ang pitong taong gulang na kapatid ni Anhelika, na hiramin ang cellphone ni hel. Akala niya'y manonood lang ito ng YouTube o maglalaro ng games. Ngunit ilang minuto lang ang lumipas, nagbago ang ihip ng hangin isang voice message ang ipinadala ni Issa kay Kenneth "Krash ka daw po ni Ate Anhelika!" At bago pa niya ito madelete, naipasa na sa group chat.

Sa gitna ng lahat ng ito, kailangang harapin ni Anhelika ang mga bagong hamon ang tukso ng mga kaklase ang gulo sa puso niyang hindi sigurado kung inis o kilig ba ang nararamdaman... at higit sa lahat, ang posibilidad na baka ang isang prank, ay mauwi sa tunay na damdamin.