Somewhere in the Middle

- POV OF DARKON JOHN SUAREZ -

Simpleng estudyante lamang ako sa Saint Therese of the Child Jesus University, working student, at breadwinner ng pamilya namin.
Sa buhay na mayroon ako ay mas pinili kong maging single para kumayod at mag-aral. Hindi ko sinusubukan na makipagrelasyon o kahit manligaw man lamang dahil sa isang rason-hindi ko pa kaya. Wala akong maibibigay na panahon, enerhiya, at higit sa lahat pera.
Ni minsan ay hindi ko rin naisip na manakit, makipaglaro, o manloko ng babae dahil pinalaki akong nirerespeto ang mga kababaihan.

I am a good man. Alam ko iyon sa sarili ko.

Pero bakit ako? Sa dinami-rami ng Theresenians na nanloloko at nananakit ng damdamin ng mga babae ay nadamay ako. Ako ang susunod na lalaking pinili para parusahan ng nag-iisang Harsha Antonette Villagracia, ang babaeng pinapangarap ng halos lahat ng kalalakihan sa STCJU. She's popular, smart, and wealthy. She's a goddess, they say. Every man wants to be with her. Every woman wants to be like her.

Hindi siya bahagi ng buhay ko noon. Hindi rin siya dapat kasama sa mga pangarap ko ngayon.
Pero bakit habang tumatagal ay may hiling sa puso ko na sana kaya ko na lang ibigay sa kanya ang mundo. Kahilingan na alam kong imposible para sa isang katulad ko.