ANG LIHIM NG PEARL ISLAND

Sa isang tahimik at payapang baryo sa Saint Pearl o mas kilala bilang Pearl Island, nakatira ang mga masisipag at mababait na mangingisda. Pinaniniwalaan nila na kung mapalad, bibigyan sila ng diyosa ng dagat ng mga hiyas na perlas na nagdadala ng kayamanan. Sa gitna ng karagatan, nakatayo ang dambuhalang estatwa ng isang babaeng sirena - ang diyosa ng kanilang isla.

Ngunit sa kabila ng payapang pamumuhay, may lumilipad na takot sa gabi lalo na sa ilalim ng buwan. Isang misteryosong nilalang - isang bampira - ang sinasabing nakatira sa malayong mansyon ng pamilyang Guillaumes, ang pinakamayamang angkan sa isla na nagmula pa sa Russia. Sinasabing may malamig at nakakatakot na tinig ito, at nagiging biktima ang sinumang masasalubong nito sa dilim.

Sa gitna ng takot, isang dalagang 21 taong gulang ang haharap sa lihim na ito. Maganda, may mahahabang buhok na kumikislap sa ilalim ng araw, at mga mata na parang dagat sa kalmadong kulay asul. Ngunit sa kanyang kalooban ay may tapang at determinasyon. Makikilala niya ang mga Guillaumes, matutuklasan ang misteryo ng bampira, at matutuklasan din ang pag-ibig at lungkot na bumabalot sa bawat sulok ng isla.