Red Room

Sypnosis: Minsa'y naging maganda at maaliwalas ang buhay ng mga Reiss noon dahil kilala ang pamilya nila na mayaman at makapangyarihan. Pero sa isang iglap ay bumagsak ang pamilyang Reiss. Simula ng malulong sa sugal at maging sakim sa pera si Rod Reiss ay unti-unting naubos ang naipundar niyang bahay at lupain. Bumagsak at naging mahirap ang buong pamilya. Magmula noon ay alak ang naging takbuhan ng haligi ng tahanan.

Sa hirap ng buhay ay napilitang maghanap ng mapapasukang trabaho si Historia. At sa takot na hindi siya tanggapin dahil isa siyang Reiss ay napilitan siyang magpanggap at magtago sa ibang pangalan. Dito ay nakilala niya ang masungit at laging galit niyang boss na si Ymir at ang best friend nitong si Nanaba.

Sa bisyong pag-iinom ni Rod Reiss ay nagsimula na itong magbago ng ugali at nawalan ng direksyon ang buhay. At hindi nga kalaunan ay nagkaroon ito ng matinding karamdaman at kailangan nitong ma-operahan sa madaling panahon. Nang malaman iyon ni Ymir ay inalok nito si Historia na makipaglaro sa kanya. Kapalit ang pagpapagamot sa ama nito.

Pero anong klaseng laro kaya ang gusto ng masungit at palaging galit na Boss ni Historia. At ano ang magiging papel ng best friend nitong si Nanaba sa buhay niya?