When Love Speaks Softly

Aurelia Robles has always been the kind of person who chooses responsibility over everything else.

Habang ang ibang estudyante ay abala sa paghahanap ng saya, bagong kaibigan, at mga kwentong pang-campus, si Aurelia ay abala sa pag-aaral, pagtatrabaho, at pagbuo ng sariling buhay. Hindi siya ang tipo ng babaeng naghihintay ng prinsipe sa kwento niya dahil alam niyang walang ibang makakapagligtas sa kanya kundi ang sarili niya.

Para kay Aurelia, ang buhay ay hindi tungkol sa paghahanap ng pag-ibig. Ito ay tungkol sa pagtapos ng pag-aaral, pagtupad sa mga pangarap, at paglaban araw-araw kahit gaano pa kahirap.

Sa likod ng tahimik niyang personalidad ay isang babaeng sanay mag-isa-isang taong natutong huwag umasa dahil alam niyang hindi palaging may taong darating para saluhin siya kapag nahihirapan siya.

Pero nagbago ang lahat nang makilala niya ang isang taong hindi niya inaasahang magiging parte ng mundo niya.

Isang taong makakakita sa kanya hindi lang bilang isang estudyanteng laging pagod, kundi bilang isang taong may sariling pangarap, takot, at mga sugat na pilit tinatago.

Hindi niya hinanap ang pagmamahal. Hindi niya ito kailangan. Pero paano kung ang taong dumating sa buhay niya ang magtuturo sa kanya na hindi lahat ng bagay ay kailangang harapin nang mag-isa?

Sa pagitan ng mga deadline, trabaho, personal na laban, at mga pangarap na gustong maabot, matututunan kaya ni Aurelia na minsan, ang pagtanggap ng tulong at pagmamahal ay hindi kahinaan?

O pipiliin niyang manatiling malayo dahil mas ligtas ang pusong hindi kailanman nasasaktan?