حب بين العادات

لا تشتكي حالك على كل من جاك .

بعض البشر يفرح اذا قلت مهموم .

يخفي سمومه بين همك وشكواك .

يشمت بحالك والحصيله شقا ولوم .

وحذر من الي ينقل الهرج لعداك .

يظهر لك الطيب وهو منه معدوم .

قلبه مريض ويخلط السم بدواك .

يعرض عليك الرأي والرأي مسموم .

وبعد عن اللي يستغلك لا جاك .

تلقاه دايم بين الأخيار مذموم .

احسب حسابك في كلامك ومعناك .

وسط المجالس كل ما أدليت بعلوم .

خل سمعك أكثر من كلامك وفتواك .

تلقى القدر يمك من الناس ملزوم .

ولا تذكر أفعالك بما تجود يمناك .
عنك الولي يدري ولك الخير مقسوم .

وخلك مع الي يشتكي لك وينخاك .

بك ينتخي من ضيم الايام والهموم .

خذها وصايا تسعدك دوم دنياك .

واحفظ معانيها تحفظلك من اللوم .