REPOSTED ! RE-EDITED ! : Caí en manos de criminales.

isang madilim na pagnanasa ang unti unting kumakain kay Felip Devereaux. Siya ay nababalot ng pagkahumaling at pagkabaliw kay Sevester Montclair, ang binatang simple at tahimik na minsang naging kanyang ilaw. Ngunit sa bawat araw na lumilipas, dumadami ang mga humaharang sa kanyang landas mga karibal na nais ding makalapit kay Sevester.

Una ay si Clara, ang matalik na kaibigan ni Sevester, inosente ngunit matatag, na siyang unang nakaramdam ng kakaibang pag-iingat mula kay Felip.

Sumunod si Amethyst, ang kababata ni Sevester na muling nagbalik. Siya ang muling nagbibigay ng liwanag at ngiti sa binata, at kalaunan ay magiging pinakadakilang pag-ibig nito isang bagay na hindi matanggap ni Felip.

Kasama rin sa mga magiging hadlang si Mione, ang misteryosang May matalim na isip, malakas ang karisma, at may awrang kayang magpasunod ng kahit sino. Siya ay kumpiyansa sa ganda at talino, at naniniwala sa disiplina at lakas higit sa lahat. Siya ang kabaligtaran ng lahat ng kahinaan ni Sevester, at isang kaakit akit na panganib para sa sinumang lalapit sa kanya.

At may dalawa pang hindi pa kilala... dalawang nilalang na lilitaw sa oras na pinakanakakatakot, magdadala ng bagong apoy sa digmaan ng pag ibig at pagkahumaling. Hindi alam ni Felip kung sino sila, ngunit alam niyang sila rin ay banta sa kanyang pag aari.