Alab at Andap (Flame and Frost)

Alab Fajardo, isang batang palaging binubully sa kanilang lugar dahil mayroon itong natatanging kapangyarihan na gumawa ng apoy sa kanyang mga kamay. At dahil dito ay palagi syang nagmumukmok sa kagubatan upang umiwas sa mga nangbubully sa kanya. Nakilala nya dito ang Engkantong bata na si Andap. At mula noon ay naging matalik silang magkaibigan hanggang sa tuluyan silang magbinata at mahulog ang kanilang damdamin sa isa't isa. Isang araw habang umaakyat ng bundok si Alab ay may namataan syang tila kislap ng liwanag. Hinawakan nya ito at bumalot sa kanya ang nakakasilaw na liwanag hanggang mapadpad sya sa Syudad Biringan kung saan naninirahan ang sinisintang si Andap. Nalaman ni Alab mula kay Andap nang muli silang magkita ang tungkol sa kislap ng liwanag na hinawakan nya ay ang Sinagtala, na nakasaad sa propesiya na kung sino mang makakita nito ay sya ang nakatadhanang maging tagapagligtas ng buong Biringan mula naghahasik ng lagim sa kalaban nilang si Kamandag.