THE COLOR YOU LEFT BEHIND

Sabi nila, lahat ng tao may dalawang pinakamalaking laban sa buhay:
ang pagtupad ng pangarap at ang pagmamahal.

Pero paano kung pareho mong kailangang piliin?
At paano kung 'yung taong nagbigay sa'yo ng lakas para mangarap... siya rin pala ang taong unti-unting mawawala?

Ako si Zeinah Finelo.
Simula bata pa lang ako, pangarap ko nang ipinta ang mundo gamit ang mga kulay ng puso ko. Pero dito sa Pilipinas, kung saan bihira lang pinapansin ang sining, ang hirap maniwala na may patutunguhan ang pagpipinta.

Hanggang sa dumating siya.
Ken Venzur ang lalaking naniwala sa akin noong halos hindi ko na kaya maniwala sa sarili ko.
Siya ang nagsabi sa akin: "Paint the world, Zeinah. Huwag mong hayaang may sumira sa mga kulay mo."

Mahal ko siya.
Mahal na mahal.
Pero paano kung 'yung pag-ibig na akala ko'y walang hanggan... biglang maputol ng sakit na hindi ko kayang labanan?

Ito ang kwento ng pagpipinta ko ng mga pangarap.
Ng pagmamahal na nagturo sa akin na huwag sumuko.
At ng pag-ibig na kahit nawala siya sa mundo, nananatiling buhay sa bawat brushstroke ng canvas ko.