Mananatili

Bata pa lang si Celso, pangarap na niyang maging isang sikat na mang-aawit sa Maynila. Doon kasi mas mabilis ang oportunidad, doon natutupad ang mga pangarap. Pero paano kung ang tanging pumipigil sa kanya ay hindi kahirapan o takot, kundi ang matalik niyang kaibigan na si Pol?

Si Pol-ang makata ng baryo, ang unang naniniwala sa tinig ni Celso. Kung may isinusulat na tula si Pol, binibigyang-buhay ito ng awit ni Celso. Ngunit ang hiling lang ni Pol ay isa: manatili si Celso sa baryo, at doon sumikat.

Nang dumating ang pagkakataon para makaalis at simulan ang buhay mang-aawit sa Maynila, haharap si Celso sa pinakamabigat na tanong:

Saan ba dapat manatili? Sa pangarap na matagal nang inaasam, o sa pagkakaibigang ayaw niyang iwan?

May rason ba dapat ang papanatili? O ito ay desisyon at pagpili?