Sa Lilim ng Rebolusyon

Sa gitna ng marangyang buhay, lumaki si Alessandra Enriquez, anak ng isang makapangyarihang pulitiko, na walang pakialam sa tinig ng masa. Ngunit isang umaga ng protesta sa Luneta ang bumago sa lahat-isang portal ng kasaysayan ang humila sa kaniya pabalik sa madilim na panahon ng Martial Law.

Doon, hindi na siya si Alessandra, kundi si Ma. Elisha, anak ng Senador Delfin Enriquez, isang dalagang matapang na lumalaban para sa bayan. Sa piling ng isang kabataang nagngangalang Napoleon, natutunan niyang magmahal at makibaka. Ngunit sa mundong pinaghaharian ng takot at dahas, bawat pagmamahalan ay may kapalit na dugo.

Habang umuusbong ang damdamin sa gitna ng digmaan ng katarungan at kapangyarihan, kailangan niyang harapin ang pinakamabigat na tanong:
Hanggang saan ang kaya mong isakripisyo para sa pag-ibig at para sa bayan?

Isang kwento ng paglalakbay sa panahon, ng mga pusong handang mag-alay, at ng kasaysayang kailanma'y hindi dapat malimutan.