نار لا تحرق

في الحارة القديمة، كل حيطان ليها سر،
وكل ضحكة مستخبية وراها وجع اتنسى بالعافية.
بس في نص الحكايات كلها... كانت في بنت اسمها ورد،
ضحكتها تهدي القلوب، ودمعتها تولّع الدنيا.

هو اسمه آدم الأسيوطي - الكبير اللي الكل يخاف يزعلُه،
رجل كلمته ما تنزلش الأرض، لكن قلبه وقع في اللي ما ينفعش.
وقع في بلوته... في البِنت اللي كان المفروض يحرصها من العيون،
مش يحبّها لحد ما يبقى هو نفسه العين اللي بتداريها.

هي كانت وردته اللي طلعت من وسط الطين،
وهو كان نارها اللي حرقت وبرّدت في نفس الوقت.
حبهم مكنش حكاية حلوة،
كان حكاية ربنا كتبها بالدمع والغلط،
والمكتوب فيها كلمة واحدة:
"وخدت ورد قلب ابن الاسيوطى ."