ROOTS AND WINGS

Sa makulay na bayan ng San Isidro, lalawigan ng Batangas, isang dalagang Filipino-American na si Elodie Anne Casabuena ay nagbabalik sa Pilipinas matapos mamatay ng kanyang lola.

Si Elodie, na lumaki sa Los Angeles, ay halatang nahihirapang iadjust ang kanyang modernong buhay mula sa Los Angeles hanggang sa lugar na kanyang tunay na pinag mulan.

Habang inaayos niya ang mga gamit ng kanyang lola, natuklasan niya ang isang kahon ng mga lumang sulat at larawan na naglalaman ng sikreto ng pamilya, ang tunay na pagkakakilanlan ng kanyang lola bilang isang gerilya noong World War II at ang nawawala nitong pag-ibig kay Andres, isang mandirigmang nakilala niya sa gubat.

Determinadong alamin ni Elodie ang katotohanan, nakipag kasundo siya kay Angelo, isang local tour guide at historyador na may sariling paghihinagpis sa nakaraan.

Si Angelo ang tumulong sakaniyang alamin ang nangyari sa nakaraan ng kaniyang Lola, samantalang habang naghuhukay sila sa mga arkibong pinag mulan ng pangyayari at nakikipag-usap sa mga matatanda ng bayan, ay unti-unting nabubuo ang kuwento ng katapangan at pag-ibig ng kanyang lola. Ngunit ang pagtuklas na ito ay may mahalagang bagay na matagal ng itinatago, ang pamilya ni Elodie ay nagtago ng sekreto sa loob ng 80 taon para protektahan siya mula sa mapait na realidad ng digmaan at pagkamatay ni Andres.

Habang tumatagal ay lumalalim ang relasyon nina Elodie at Angelo, hanggang sa dumating sa punto na nahaharap siya sa pagpipiliang manatili sa Pilipinas para buuin ang nawalang piraso ng kanyang pamilya o bumalik sa Amerika kung saan naghihintay ang kanyang promosyon sa trabaho na matagal na niyang inaasam at ang isang relasyong unti-unting nawawalan ng sigla. Sa gitna ng mga pagdiriwang ng Pista ng San Isidro at pagtuklas ng kanyang lola na siya pala ay may dugong katutubo, natututo si Elodie na ang pagmamahal sa sariling kultura ay hindi hadlang sa pag-unlad kundi isang pakpak para lumipad nang mas mataas.