Love, Maybe

Athy's life is a masterpiece of self-control.

Sa loob ng siyam na taon, matagumpay nyang nilabanan ang atraksyon na nadarama para sa best friend niyang si Calvin Klein Soriano. Dahil alam niyang sa oras na tawirin nya ang manipis na linya sa pagitan ng pag-ibig at pagkaibigan, isang bomba ang sasabog na guguho sa mundo nya.

Hindi nga siya nagkamali.

Dahil isang araw tuluyang nagulo ang organisadong buhay nya nang pumasok si Calvin sa kwarto nya, ang boses puno ng galit at pighati dahil sa isang pangyayari. At sa oras na iyon, nanlulumo nyang hinarap ang pinakamagulong kontradiksyon sa buhay nya - si Calvin ang taong sisira sa buhay nya, at... mukhang bubuo sa puso nya.