A ROSES FROM THE CROWN

Si Serra ay isang simpleng babae na lumaki sa hirap at sanay sa pang-aapi ng mga tao sa kanilang bayan. Madalas siyang minamaliit dahil sa kaniyang pinagmulan, ngunit sa kabila nito, taglay niya ang mabuting puso at matatag na paninindigan. Isang araw, nakilala niya si Lord Cedric, ang tapat at marangal na Royal Guard ng kaharian kung saan sila naninirahan. Sa una, magkaibang mundo ang kanilang kinabibilangan-ang isa'y mahirap, ang isa nama'y nasa ilalim ng korona. Ngunit sa paglipas ng panahon, unti-unting umusbong ang pagmamahalan sa pagitan nila. Sa gitna ng mga pagsubok, ipinaglaban nila ang karapatan na magmahal at magbago ng tadhana. Ngunit lingid sa kaalaman ni Serra, si Cedric ay hindi basta-bastang tagapagsilbi ng hari; siya ay may lihim na misyon na ang hanapin at bantayan ang babaeng may misteryosong nakaraan. Habang unti-unting lumalalim ang kanilang ugnayan, dahan-dahang nabubunyag ang katotohanan na si Serra ay may koneksiyon sa limang kaharian sa mundo ng Nargarda. Ano nga ba ang tunay na pagkakakilanlan ni Serra? At paano magbabago ang lahat kapag natuklasan niya ang lihim ni Cedric? Abangan ang kwento ng pag-ibig, kapangyarihan, at tadhana. Ang "A Roses from the Crown" ay kwento ng pag-ibig, katapangan, at patunay na kahit ang pinakamaliit na bulaklak ay kayang mamukadkad sa gitna ng mga hari at reyna.