Chasing Him Was My Favorite Mistake

Mahal ko na siya simula pa noong bata pa kami.
Lahat ng taon, siya lang 'yung gusto kong makita, makasama, at mapansin.
Siya 'yung unang taong minahal ko, at siguro... siya rin 'yung unang nagturo sa'kin kung gaano kasakit magmahal ng walang kasiguraduhan.

Hinabol ko siya sa lahat ng paraan.
Sa mga ngiti, sa simpleng tingin, sa mga sandaling umaasa ako na baka, kahit minsan lang, mapansin niya rin ako.
Pero sa tuwing lalapit ako, mas lalo siyang lumalayo.

At noong wakas naglakas-loob akong umamin...
tumalikod siya.
Parang lahat ng taon ng paghabol, biglang naglaho.
Kaya natutunan kong bitawan 'yung hindi naman talaga para sa'kin.

Pero ang ironic ng buhay
kasi noong natutunan ko nang hindi siya habulin,
doon siya nagsimulang humabol.

Baka ganun talaga ang pag-ibig minsan, kailangan mong mawala para mapansin; kailangan mong tumigil para maramdaman; kailangan mong masaktan para maintindihan.

At sa huli, natutunan ko na hindi lahat ng minamahal mo ay para sa'yo.
Minsan, sila lang 'yung magtuturo sa'yo kung paano mo dapat mahalin ang sarili mo.