علاج الحب

في ناس بتتعالج من المرض...
وفى ناس بتتعالج من الحُب.
بس ياسين مراد؟
كان حاله أصعب من الاتنين.

الكل شايفه ناجح، غنى، وراجل محدش يقدر يقف قدامه،
بس جواه راجل مكسور بيحاول يرمم نفسه كل يوم.
بيضحك، وبيتكلم، وبيمشى بثقة...
لكن قلبه لسه واقف عند آخر كلمة قالتها هى قبل ما تمشى.

سنتين وهو بيحاول يعالج وجعه بالنسيان،
لكن وجعها مكنش عايز يخف.
لحد ما رجعت.
رجعت كأنها عمره اللى ضاع،
بس المرة دى، هو اللى مش نفس الشخص،
ولا قلبه لسه زى زمان.

يمكن هى كانت مرضه...
بس يمكن كمان تبقى علاج الحب.