Moonblood

Lumaki si Lorenzo Alcantara sa pangangalaga ng kanyang yaya, si Aling Aurora Santos, habang abala ang kanyang mga magulang sa kanilang negosyo. Sa ilalim ng gabay ni Aling Aurora, natutunan niyang itago ang lihim na kapangyarihang dumadaloy sa kanyang dugo - isang lihim na hindi dapat malaman ninuman.
Samantala, ang anak ni Aling Aurora na si Amara, ay hindi naniniwala sa mga alamat o halimaw. Pero mahilig siya sa mga kuwentong pantasya - mga mundong sa tingin niya'y kathang-isip lang. Hindi niya kailanman inakalang ang mga kuwentong iyon ay mabubuhay sa katauhan ng taong pinakamalapit sa kanya.
Sa gabi ng ika-dalawampu't isang kaarawan ni Lorenzo, sa ilalim ng nakakasilaw na liwanag ng bilog na buwan, nagising ang halimaw sa loob niya - inilalantad ang tunay niyang pagkatao bilang ang huling White Wolf.
Sa gitna ng pag-ibig at panganib, magagawa kaya ni Lorenzo na protektahan ang babaeng nagbibigay sa kanya ng dahilan para maging tao?
O siya mismo ang magiging dahilan ng pagkawasak ng lahat ng mahal niya - dahil sa lahing lobo na dumadaloy sa kanyang dugo? 🐺🌕