دار العونية | Dar Al-Awniya

هادي رواية مغربية، ماشي بحال باقي الروايات...
رواية خارجة على المألوف، كتشم ريحة الدرب، كتسمع فيها دوك الهمسات اللي كيدوروا فـ الزنقة، وكتشوف الوجوه اللي كيتخبّاو فالنهار وكيبانوا فالليل...
عنوانها "دار العونية 🔞"، ولكن ماشي غير دار، هادي عالم آخر.

فـ دار العونية كتدوز الحكايات بحال الشراب فالكيسان، كيتبدّل الذوق ولكن السخونية بقات هي هي.
كل واحد داخل هاد الدار عندو قصة، عندو سر، عندو شي حاجة باغي يخبيها وشي حاجة باغي يهرب منها.

الرواية غادي تديك من زنقة لزنقة، من ريحة الكسكس ديال الجمعة لريحة الحشيش فالسطوح، من الهمّ ديال بنت حاطة الأمل فـ خيط، لحكاية راجل تايه ما بين اللذة والذنب.
غادي تعيش مع الشخصيات، غادي تضحك، وغادي تتقهر، وغادي تقول "آش من عالم هادا؟"، ولكن فالأخير غادي تكتشف بلي كلشي كيدور فـ نفس الدوامة...
دوّامة دار العونية 🔞.

رواية مغربية جريئة، كتجرّك للواقع بلا ما تسوّقك، كتورّيك الوجه الآخر ديال المدينة، الوجه اللي ما كيبانش فالنهار، ولكن كيعيش بينّا كل يوم.