Taken Ka Na?

Ngayong batid ko na.
Na taken ka pala.
Ako ay nasaktan.
Ngayo'y nagdaramdam.

Ang puso'y sugatan.
At nahihirapan.
Labis ang pagdugo.
Di maampat yaring pagtulo.

Kaya ka pala malamig.
Pakikitungo ay iba.
Pagkat ang puso mo,
Mayroon ng sinisinta.

Ngayong alam ko na,
Di na mangungulit pa.
Ayokong makagulo
Sa inyong pagsasama.

Batid kong s'ya ay kakaiba
Pagkat napukaw n'ya ang 'yong pagsinta.
Napakapalad n'ya,
Sana'y pakapahalagahan ka.

Batid mo namang ika'y aking sinisinta.
Salamat naman at ngayo'y napansin na.
Subalit ngayong batid ko na...
Hanggang dito na lang, paalam na.