Paper Destiny

NOTE: This is a boyxboy novel, completed in year 2020.

Mula sa unang pahina ng nobelang umiikot sa istorya ng dalawang binatang nagngangalang sina Nero Brigorio at Paine Alparaza. Lingid sa kaalaman ng karamihan ang tunay na kulay ni Nero lalo na si Paine ngunit hanggang kailan magtatagal ang kaniyang pagkukubli, bakit kailangang itago kung sa gayong para kay Paine ay napakaimportante na ni Nero sa buhay niya.

Sa mga araw ng kanilang pagbabakasyon sa probinsya ni Paine, hindi inaasahang maapuhap ang isang maliit na boteng naglalaman ng mensahe na isinulat sa nakarolyong papel, marahil na maaantig ang kanilang kuryosidad sa nilalaman ng unang sulat..."Sa hindi inaasahang sinimulan, pag-ibig ay mananaig. Tadhana ang magbibigay-daan sa yugto ng hinaharap...ang susunod na mensahe ay matatagpuan sa isang lumang estruktura."

Posible kayang umiral ang pag-iibigan sa kanilang dalawa sa kabila ng mga sigwa na kanilang kinakaharap ngunit naniniwala silang ang tadhana ang magbibigay-daan sa kanilang yugtong nagmistulang sangay ng kanilang pinagsamahan kasama ng talulot na may pagtatanggap, pagpapakatotoo, at pagtitiwala.

Sa mga katanungang bumabagabag sa kanilang isipan kung ano ang ipinaparating ng mga mensahe..."Tadhana ba ang susi para makamit ng isang indibidwal ang pangarap na inaasam kung sa reyalidad ay may mga bagay na hindi inaasahang dumarating upang maging hadlang sa kasalukuyan?...Mahahanap ba ang tunay na pag-ibig sa gitna ng mga posibleng sigwa na kahaharapin ng dalawang taong nag-iibigan?"

Halina't aninawin ang kuwento ng kanilang istorya kasama ng mga misteryosong mensahe na naging parte ng kanilang yugto kung saan hindi mahalaga kay Nero kung sino dapat ang magugustuhan niya dahil kung sino ang tinitibok ng kanyang puso, kung si Paine ang dahilan niyon, siya ang pipiliin niya at sa prinsipyo naman ni Paine na kung ano ang sinasabi ng kanyang puso, hahayaan niya.