How I Met Your Mother

Si Xian ang lalaking ipinanganak na may gintong kutsara sa bibig-at sa sobrang guwapo pa niya, tila binasbasan din siya ng Diyos sa pisikal na anyo. Siya ang ultimate bachelor, hinahabol ng mga dalaga (at binata) sa Maynila. Kaya lang, ang paborito niyang titulo ay hindi ang pagiging tagapagmana ng Milyonaryong Lolo niya, o ang pagkakaroon ng pilot's license, kundi ang pagiging Hari ng mga Commitment Issues.

Para kay Xian, ang pag-ibig ay isang kalokohan. Isang illusion na ginagamit lang ng mga babae para makakuha ng permanenteng access sa yaman at apelyido niya. Walang nagmamahal sa kanya nang totoo; sa mata nila, siya ay isang walking ATM na may mukhang artista. Dahil sa matindi niyang cynicism-na nag-ugat sa isang masakit na nakaraan-mas gusto na lang niyang mag-party, tumakas sa responsibilidad, at magpaasa, kaysa seryosohin ang sinuman.

Galit sa kanya ang kanyang Lolo dahil sa pagiging easy-go-lucky niya. Ngunit buo ang loob ni Xian: mananatili siyang malaya, mayaman, at walang-jowa.

Subalit, paano kung isang araw, sa gitna ng sikat ng araw sa tahimik na Marikina River, mag-krus ang landas nila ng isang babaeng tila hindi aware sa kanyang yaman, kasikatan, o ka-guwapuhan? Isang babaeng tila mas interesado pa sa hawak niyang iPad kaysa sa mga linyang handa niyang ibato?

Handa ba ang lalaking ayaw maging seryoso sa buhay para sa isang babae na magpapabago ng kanyang pananaw? Ito ang kuwento kung paano siya nag-umpisang magtanong: Paano ko ba nakilala ang iyong Ina?