Leon & Sol: Hearts or Diamonds

Sa nakalipas na mga taon mula nang tumigil sa pagtuturo at nahilig sa pagta-travel sa loob at labas ng bansa, mas maituturing pang bahay ni Leon ang hotel ng mga Brighton tuwing umuuwi ng Pilipinas.

Sa paningin ng mga magulang at mga kapatid ay nilulunod lang nya ang kabiguan at disillusionment nya. But he's just really celebrating his newfound freedom. He just avoided disaster. Muntik na syang magpakasal sa isang con artist na ang habol lang sa kanya ay ang pera at mamanahin nya.

And it used to be that Ace shared his humor about those women. Kaya hindi nya mapaniwalaan nang makarating sa kanya ang balita tungkol sa pagiging sugar daddy nito.

Dahil sa kuryosidad nya kung totoo ba ang balita at para na rin makilala ang single mother na girlfriend daw nito ay naisipan nyang bumalik sa Maynila.

Bago sya umuwi ay nagsabi na rin sya kay Brighton na sa hotel sya tutuloy. Pagdating nya roon ay fully booked ang mga uri ng kwartong nakagawian na nyang kunin. Pero noon naman nagsimula ang shift sa front desk ng babaeng nagpakilalang Margaret at sinabi sa kanya na nag-iwan ng note si Brighton na gawing available para sa kanya ang penthouse kung sakaling wala nang available sa pinagpipilian nya.

Dahil na rin sa sobrang pagod at antok nya ay dire-diretso na syang pumasok sa isa sa mga silid doon. Sapatos at t-shirt lang din ang nahubad nya bago nahiga sa kama. Papikit na syang talaga nang sa wakas ay ma-realize na hindi pala sya nag-iisa.

Wala sa hinagap nya na may ganoong sense of humor si Brighton. Ang iba siguro sa mga boys tulad na lang ni Romero o kaya si Richard ay hindi na nya pagtatakhan na makaisip ng ganoon pero hindi si Ace. But then he knew about the women. Ito pa lang din ang sinabihan nya na uuwi sya. At ano ba ang gagawin ng babaeng mukhang nasa mid o late twenties lang nito sa kamang iyon na ganoon ka-sexy ang suot?