Shoot sa Puso

Sa gitna ng maalinsangang kalsada ng Dasmariñas taong 2001, magtatagpo ang mundo nina Eliseo Joseph Jaena, ang pambato at "Golden Boy" ng San Jose na pilit kumakawala sa mabigat na anino ng kaniyang istriktong ama, at ni Jaron Larkin Yatco, isang mapangahas at misteryosong dayo mula sa Maynila na may dalang kakaibang hangin at nakakalitong mga ngisi. Ang simpleng laro ng basketball sa liga ng barangay ay mauuwi sa isang maselang balanse ng pagkakaibigan at damdaming itinatago sa bawat dribble, siko, at seryosong tinginan sa dilim. Habang binabaybay nila ang landas mula sa pamilyar na kanto ng probinsya patungo sa magulong kalsada ng Maynila, matutuklasan nina Eli at Jaron na ang pinakamahirap na laban ay wala sa loob ng court-kundi sa pag-amin sa sarili na sa laro ng buhay, hindi sapat ang manalo; kailangan mong magkaroon ng tapang na maging totoo.