So Do I

Tumunog na ang alarm ng watch ko at umahon na ko sa tubig. Sinuri ko pa ang buo kong katawan na mapula bago naglakad pabalik sa puwesto namin. Hindi ko rin namalayan na umunti narin ang mga tao dahil alas-kwatro narin.

"Nasaan si Hero? "

"May binalikan sa Jeep nyo." aniya habang may binabasang libro, at nakahiga.

"Hanggang dito ba naman nagbabasa ka. Maligo ka naman."

Hindi nya ko narinig, kaya napaupo nalang ako inilibot ang paningin sa iilang mga tao na naliligo at nasa pang-pang. Napahinto ang paningin ko sa kanan namin nang mapansing ang ilang pamilyar na mga lalaki na hindi gaanong malayo sa kanila na nagiinuman at nagkukwentuhan.

Napabuga nalang ako ng mapansin ang lalaking nakatingin samin na may hawak na beer

"Nangyari sayo? Nasobrahan kana ng tubig alat ano?"

"Timang ka! Bakit hindi mo sinabi na naandyan pala sila Eliseo." mahina kong bulong sa kanya habang kitang-kita ko parin aa gilid ng mga mata ko na nakatingin parin ang lalaki samin.

"Ano di kita marinig."

"Ogags ka bebs. Nakita mo ba yung nasa kanan natin na mga lalaki?" medyo nilakasan ko ang boses ko kaya napasinghap siya at napatingin sa gilid namin.

"Sinabi ko na sayo kanina pa. Nakatingin ata sya sayo kanina parin."

"Anong kanina pa wala akong naalala- Teka kanina pa ba sila? Nakita nya tayo kailan pa? Nauna ba sila or-"

"Bago ka lumusong sa tubig nakita ko siyang nakatingin sayo habang nagbuhubad ka ng damit mo. What if nalaman na nya na naging crush mo sya- ay mali crush mo parin pala siya."

"Tss. Magbasa kanalang ang ingay ng bibig mo!" inis kong suway sa kanya.