Where The Horizon Breaks

May mga pangarap na nagsisimula sa pagtingala sa langit.
At may mga pangarap na nabubuo matapos itong bumagsak.

Matapos mawalan ng pamilya sa isang mapaminsalang bagyo, pinili ni Althea Maris Velasco na harapin ang takot na minsang sumira sa kanya. Bilang isang piloto ng Aerial Defense and Atmospheric Research Command (ADARC), araw-araw niyang sinusubok ang hangganan ng tapang, katinuan, at pananampalataya-sa lupa, at higit sa lahat, sa himpapawid.

Ngunit sa mundong unti-unting binabago ng mga hindi maipaliwanag na phenomena sa langit, hindi lamang bagyo ang kanyang kakaharapin. May mga lihim na nakatago sa itaas ng ulap, mga desisyong kayang sumira ng prinsipyo, at isang komandanteng may sariling mga sugat na hindi kailanman hinayaan ng panahon na maghilom.

Si Commander Elian Reyes ay hindi naniniwala sa pagkakataon. Para sa kanya, ang langit ay isang larangan ng digmaan-hindi ng pangarap. Ngunit habang palapit sila nang palapit sa katotohanang bumabalot sa horizon, mapipilitan silang tanungin ang sarili:

Hanggang saan ka lalaban para sa isang mundong maaaring hindi na mailigtas?
At paano kung ang pinakamapanganib na pagbagsak ay hindi mula sa langit-kundi mula sa pag-ibig?

Where the Horizon Breaks ay isang kuwento ng tapang, pagkawala, at mga pangakong sinusubok ng distansya sa pagitan ng lupa at langit-kung saan ang pag-asa ay hindi laging nasa dulo ng horizon, kundi sa lakas ng loob na tumawid dito.