We

Ilang daang taon na ang nakakalipas ng bumagsak ang isang anghel sa mundo ng mga tao. Walang tiyak na pagkakakilanlan ang anghel at kung saan man ito nagmula. Lumipas ang ilang taon, ang anghel ay nanirahan kasama ang mga ordinaryong tao. Nakapag-asawa ito ng isang babae at nagkaroon sila ng apat na anak.

Ang tatlo sa apat na anak nila ay nagpakita ng kakaibang kakayahan habang ang bunsong anak ay namuhay ng katulad sa mga ordinaryong tao. Naging maayos ang pamumuhay ng anghel kasama ang mga tao, hanggang sa maglaho na lang bigla ang anghel. Walang nakakaalam kung saan ito nagpunta at wala ring bakas ng kanyang pag-alis.

Ilang buwan lang makalipas ang panganay na anak ng anghel ay natukso sa kasamaan, nagkaroon ito ng poot sa puso at kinalaban ang mga tao pati ang kanyang mga kapatid. Samantalang ang bunsong anak ng anghel na walang tinataglay na kapangyarihan ay bigla na lamang lumakas at ito ang naging paraan upang matalo ang nakatatanda nyang kapatid.

Itinapon nya sa walang hangganan ang kanyang kapatid upang hindi na muli makita pa ang mundo ng mga tao.

Makalipas ang ilang taon, nagkaroon ng kapayapaan ang mga tao at namuhay sila ng katulad sa ordinaryong tao. Ang dalawa sa anak ng anghel ay nakapag-asawa at nagkaroon ng mga anak na nagpakita rin ng kakaibang kakayahan.

Nagsalin lahi ito hanggang sa makabagong henerasyon.