The Debt

Isang utang. Isang kontrata. Isang buhay na pag-aari na ng iba.

Si Alara Maeline Santos ay isang anino sa gitna ng naglalakihang gusali ng Maynila. Isang babaeng nagpapakahirap magtrabaho sa isang malaking kumpanya na nabubuhay sa pagitan ng tatlong trabaho. Ang tanging pangarap niya ay mabura ang utang na iniwan ng kanyang pamilya-isang pangarap na tila imposible sa sahod ng isang tagalinis lamang.

Ngunit ang lahat ay nagbago sa isang pagkakamali sa ika-88 na palapag ng Crowley Towers. Isang basag na kristal ang naglapit sa kanya kay Ronux Crowley-ang "Cold-Hearted CEO" na tinitingala at kinatatakutan ng lahat.

Para kay Ronux, ang tao ay parang numero lamang sa isang ledger na maaari mong bilhin, ibenta, o burahin. Nang makita niya ang desperasyon sa mga mata ni Alara, naglatag siya ng isang kontratang hindi matatanggihan. Babayaran niya ang lahat ng utang ni Alara, kapalit ng kanyang kalayaan.

Mula sa pagiging janitress, si Alara ay magiging personal assistant ni Ronux-isang papel na puno ng lihim, sakripisyo, at panganib. Sa ilalim ng malamig na pamamalakad ni Ronux, kailangang matutunan ni Alara kung paano mabuhay sa mundo ng mga bilyonaryo nang hindi nawawala ang kanyang sarili.

Ngunit hanggang kailan mananatiling "business deal" ang lahat? Kapag ang yelo sa puso ng isang CEO ay nagsimulang matunaw, at ang takot ng isang babaeng walang-wala ay mapalitan ng pag-asa, sino ang tunay na may utang sa huli?

"Sa mundong pinatatakbo ng pera, ang pinakamahal na pambayad ay ang puso."