Sweet and Decent Life (Book 1)

𝗣𝗔𝗔𝗟𝗔𝗟𝗔 𝗡𝗜 𝗛𝗜𝗥𝗔𝗡𝗚: Isinulat ito ng batang Hirang, nagmula sa kuwaderno hanggang ipinagpatuloy ito sa burador (𝘥𝘳𝘢𝘧𝘵) ng Wattpad. The story is based on the imagination of a child whose thoughts are far beyond her age; purong istorya ng piksyon na ang tanging kalabaan ay buhay.

Petsa ng simula: April 2017
Petsa ng pagtatapos:

Sa gitna ng pulo kung saan mukhang payapa, may nakakubling utang na sikreto mula sa nakaraan.

Si Mistle ay isang dalagang babae na naghahangad nang higit pa para sa kaniyang pamilya: Malaking bahay, pera, pribilehiyo ng mayayaman at isang puno ng buhay na komunidad--ang Adams Home o ang pinakamalaking nayon sa Steinhove City.

Sa bawat kahilingan ay may ugat na pinaghuhugutan ng inspirasyon para makamit ang hinahangad; ang nanay niya ang dahilan kung bakit mayroon siyang matayog pa sa mga bundok na pangarap. Para sa dalaga, pamilya at kaibigan ang dapat na gawing prayoridad dahil sila ang mga taong itinuring niyang yaman. Dito umiikot ang mundo niya sa araw-araw at walang minutong lumipas na hindi niya isinama ito sa kaniyang dasal. Ganoon siya magpakita ng pagmamahal sa mga tao sa paligid niya bagkus bukod sa busilak na puso, sagana si Mistle sa mga nakatutunaw ng puso na salita.

Gayunpaman, hindi naman perpekto ang kinabibilangan niyang angkan--ang mga De Villan ay kilala bilang mayabang, matapobre at takaw-gulo sa Villa de Serenidad. Samakatuwid, naging sagabal ito tungo sa pag-unlad ng kaniyang pamilya.

Isang oportunidad ang magpababago ng 'normal' niyang buhay. Ang imbitasyon mula sa isang guro ang magdadala sa kaniya sa mataas na lipunan ng mga elitista.