Paano kung ang taong pinaka-pinagkatiwalaan mo online...
siya rin pala ang taong pinaka-iiwasan mo sa totoong buhay?
Si Leron Lee, isang college freshman na malapit nang mag-18, ay sanay magtago-sa likod ng screen, sa likod ng pekeng pangalan, at sa likod ng mga salitang hindi niya kayang sabihin nang harapan. Doon niya nakilala si "K", isang estrangherong naging sandalan niya gabi-gabi, sa mga chat na puno ng tawa, lambing, at unti-unting pag-amin.
Ang hindi alam ni Leron, ang taong kausap niya online ay si Kian Perez-isang lalaking araw-araw niyang nakikita sa campus. Tahimik. Mailap. At may sariling tinatagong dahilan kung bakit siya rin ay nagsinungaling.
Habang papalapit ang katotohanan, mas lalong nagiging magulo ang damdamin.
Hanggang saan ang kaya mong ipatawad...
kapag ang kasinungalingan ay nauwi sa totoong pagmamahal?
Isang kwento ng catfish, pagkakakilanlan, at pag-ibig na nagsimula sa chat-
pero masusubok sa realidad.