Who is this mysterious guy?

Si Nalene Aria, isang masayahin at determinadong solo traveler mula sa Pilipinas, ay nagtungo sa London upang tuparin ang kaniyang pangarap na makita ang ganda ng siyudad. Ngunit ang kaniyang pangarap na bakasyon ay tila magiging isang bangungot nang mapansin niyang nawawala ang kaniyang cell phone habang naglilibot sa gitna ng Westminster..

Sa gitna ng kaba at pagkalito, sinubukan niyang tawagan ang sariling numero mula sa isang pulang telephone box, sa pag-asang may mabuting loob na nakapulot nito. Ngunit laking gulat niya nang sagutin ito ng isang lalaking may malalim at mapang-akit na British accent. Tinawag siya nitong "love" sa paraang tila matagal na silang magkakilala.

Sa kanilang pagkikita sa tapat ng St. Paul's Cathedral, makikilala niya si Julian isang lalaking balot ng misteryo, tikas, at yaman. Sa kabila ng kaniyang pag-iingat bilang isang solo traveler, hindi mapigilan ni Nalene na mahulog sa mga kwento at karisma ng lalaki. Ngunit sa pagtatapos ng kanilang gabi, matutuklasan ni Nalene na ang lalaking tumulong sa kaniya ay hindi lamang isang ordinaryong residente ng London, kundi isang bilyonaryong tagapagmana na pilit tinatakasan ang kaniyang sariling katotohanan.